Mga Memorandum
Pahayagan
Ang Ating PADEPA Online
Ito ang digital na edisyon ng ating Pambansa-Demokratikong Paaralan. Dinisenyo ang PADEPA Online upang makaagapay sa mas mabilis, sistematiko at regular na pagpapalaganap ng mga materyal para sa masigla at tuluy-tuloy na paglulunsad ng edukasyong pampulitika sa hanay ng malawak na masa at ng mga aktibista ng pambansa-demokratikong kilusan. Sa minimum na rekisitong mga kagamitan gaya ng kompyuter at printer, maaari nang magparami ng kopya ng mga babasahin at iba pang kagamitang pang-PADEPA mula sa website na ito.
May anim na mayor na bahagi ang website na ito.
Ang KURIKULUM ang talaan at imbakan ng mga kurso, aralin, praymer, aklat at iba pang dokumento at babasahin sa ilalim ng pambansang istandard na kurikulum ng PADEPA. Bawat dokumento ay maaaring i-download sa pormat na DOC; ang ilan sa babasahing may limbag na bersyon ay maaaring buksan sa pormat na PDF.
Nasa PAGSASANAY pangunahin ang istandard na modyul na Kurso sa Pagsasanay para sa mga Instruktor ng PADEPA (KPI-PADEPA). Narito rin ang modyul para sa pagsasanay sa pagdrowing ng mga instruktor.
Maaaring sumangguni ang mga instruktor-PADEPA sa GABAY para sa mga halimbawa o modelong plano sa pagtuturo (lesson plan) para sa batayang mga kurso at aralin. Narito rin ang mga gabay sa pag-aaral o study guide para sa indibidwal na pagbabasa ng piling mga dokumento.
Ang iba’t ibang set ng larawan at ilustrasyon para sa pagtuturo ng batayang mga kursong PADEPA ay maaaring i-download mula sa BISWAL at i-imprenta bilang tsart o poster. Ang ilang dibuhong pabalat ng limbag na mga materyales ay maaari ring makuha mula rito sa pormat na JPG.
Nasa AWIT ang mga lyrics, chords at MP3 ng seleksyon ng mga awiting angkop na itanghal sa mga pag-aaral.
Para sa mga pag-aaral na gumagamit ng makabagong elektronikong pasilidad, nasa MEDIA ang ilang mga bidyo.
Nakikiisa ang Partido Komunista ng Pilipinas sa kababaihang Pilipino sa pagdiriwang ng Pandaigdigang Araw ng Kababaihan nang may protesta[Download DOC Pilipino] Partido Komunista ng Pilipinas Ang Partido Komunista ng Pilipinas ay nagpahayag ngayon ng suporta at pakikiisa sa kababaihang Pilipino sa pagdiriwang ng Ika-98 anibersaryo ng Pandaigdigang Araw ng Kababaihan nang may pangmasang protesta laban sa pagtataas ng presyo ng langis at pagpapaigting ng interbensyong militar ng US.
Iginigiit ng PKP ang pagpapatalsik ng mga tropang Amerikano mula sa operasyon ng Oplan Bayanihan sa Bikol[Download DOC Pilipino] Kawanihan sa Impormasyon- Kinokondena ng Partido Komunista ng Pilipinas (PKP) ang paglahok ng mga tropang Amerikano sa operasyon ng Oplan Bayanihan sa Bikol noong Marso 5-10 bilang “tahasang interbensyong militar”. Ililipad patungong lalawigan ng Albay ang lihim na bilang ng sundalong Amerikano na kasapi ng 13th US Air Force para magsagawa ng mga aktibidad militar at sibiko-militar sa ilalim ng tinatawag nitong Operation Pacific Angel 12-1.
Magpunyagi sa mga pagsisikap na papanagutin si Arroyo sa mga paglabag sa karapatan at iba pang malulubhang krimen[Download DOC Pilipino] Partido Komunista ng Pilipinas Sa kabila ng pagkakaroon ng bukas na imbitasyon sa isang kasapi ng Korte Suprema para tumestigo laban sa isinakdal na si Punong Mahistrado Renato Corona, biglaang inianunsyo ng prosekusyon noong nakaraang linggo sa pamamagitan ng pinuno nito na tinatapos na nito ang pang-uusig at binibitiwan ang lima sa walong artikulo ng impeachment, sa isang hakbang na gumulat at nakadismaya sa malawak na seksyon ng mamamayang Pilipino.
Maglunsad ng malawakang protesta laban sa lingguhang pagtataas ng presyo ng langis[Download DOC Pilipino] Partido Komunista ng Pilipinas Ang Partido Komunista ng Pilipinas (PKP) ay nananawagan ngayon sa mamamayang Pilipino na maglunsad ng malawakang protesta laban sa lingguhang pagtataas ng presyo ng langis at igiit ang pagwawakas sa patakarang deregulasyon na inuusal ng gubyerno ng Pilipinas upang bigyang-matwid ang pagpapaubaya sa mga dayuhang monopolyong kumpanya ng langis na walang habas kung magtaas ng presyo.
Isang Balik Aral sa Aklat ni Ray O. Light: "Demokrasyang U.S.": Ang Kailangang-Kailangang Alamat ng Imperyong U.S.[Download DOC Pilipino] Prof. Jose Maria Sison (Binasa sa paglulunsad ng aklat sa ABC Treehouse sa Amsterdam) Minamahal na mga Kasama at Kaibigan, Si Ray O. Light ay nagsasalita mula sa bentaheng pusisyon ng isang proletaryong rebolusyonaryo, isang matagal nang lider ng unyon sa U.S. at isang matatag na proletaryong internasyunalista. Sa kanyang libro, matagumpay niyang inilalantad ang tinaguriang demokrasyang U.S. bilang isang panlilinlang at bilang isang kailangang-kailangang alamat na nagpapahintulot sa monopolyong burgesya ng U.S. na linlangin, pagsamantalahan at apihin ang proletaryadong Amerikano at mamamayan ng iba’t ibang nasyunalidad gayundin ang sambayanan ng daigdig sa isang napakalawak na imperyo.
Mga kritikal na punto ng pagsusuri sa lumalalang mga bitak ng naghaharing uri sa ilalim ng rehimeng Aquino[Download DOC Pilipino] Partido Komunista ng Pilipinas 1. Maituturing na napapanahon ang impeachment kay Renato Corona, Punong Hukom ng Korte Suprema bagamat isang minor na pamamaraan ng pagsasalang kay Gloria Macapagal-Arroyo sa harap ng hukuman. Si Renato Corona ay alipures ni Arroyo. Dahil nakini-kinita ang mga ligal na labanan, si Corona ay hinirang ng dating pangulo bilang Punong Hukom sa pinakahuling sandali upang maganit niya ang mga kapangyarihan ng Korte Suprema kapag kanyang kailangan.
|
Recent Postings
- Nakikiisa ang Partido Komunista ng Pilipinas sa kababaihang Pilipino sa pagdiriwang ng Pandaigdigang Araw ng Kababaihan nang may protesta
- Iginigiit ng PKP ang pagpapatalsik ng mga tropang Amerikano mula sa operasyon ng Oplan Bayanihan sa Bikol
- Magpunyagi sa mga pagsisikap na papanagutin si Arroyo sa mga paglabag sa karapatan at iba pang malulubhang krimen
- Maglunsad ng malawakang protesta laban sa lingguhang pagtataas ng presyo ng langis
- Isang Balik Aral sa Aklat ni Ray O. Light: "Demokrasyang U.S.": Ang Kailangang-Kailangang Alamat ng Imperyong U.S.
