"Ang Lipunan at Rebolusyong Pilipino ay isang pagsisikap na ilahad nang komprehensibo mula sa paninindigan ng Marxismo-Leninismo-Maoismo ang mga pangunahing agos ng kasaysayan ng Pilipinas, ang mga saligang problema ng sambayanang Pilipino, ang umiiral na istruktura ng lipunan, at ang estratehiya't taktika at makauring lohika ng rebolusyonaryong solusyon - ang demokratikong rebolusyon ng bayan".

[Download DOC Pilipino]
[Download DOC Cebuano]

Inihanda ng Pambansang Kagawaran sa Edukasyon

Layunin:

1. Maunawaan at magagap ang makasaysayan   at panlipunang mga kalagayan na obhetibong nagbunsod ng pag-unlad ng  lipunan at mamamayang Pilipino -  sa kanilang  pakikibaka laban sa makauring pagsasamantala at pang-aapi, para sa pagpapalaya sa kanilang sarili at sa gayun sa pagiging tagalikha ng kasaysayan.

2. Maunawaan at magagap ang batayang kontradiksyon at saligang  problema   at ang syentipiko at tamang makasaysayang  solusyon.

3. Lubos na maunawaan at  lumahok  sa  akmang mga porma ng pakikibaka at mga porma ng organisasyon para sa panlipunang tranpormasyon at rebolusyonaryong pagbabago ng lipunang Pilipino tungo sa   pagkumpleto  sa  bagong tipong  pambansang demokratikong rebolusyon na may sosyalistang perspektiba  sa pamumuno  ng  pampulitikang partido ng  proletaryado na ginabayan  ng Marxismo-Leninismo-Maoismo.

Pagbubukas:

1. Ang Lipunan at Rebolusyong Pilipino ay isang pagsisikap na ilahad nang komprehensibo mula sa paninindigan ng Marxismo-Leninismo-Maoismo ang mga pangunahing agos ng kasaysayan ng Pilipinas, ang mga saligang problema ng sambayanang Pilipino, ang umiiral na istruktura ng lipunan, at ang estratehiya't taktika at makauring lohika ng rebolusyonaryong solusyon  - ang demokratikong rebolusyon ng bayan.

Ipinaliliwanag ng librong ito kung bakit itinatag muli ang Partido Komunista ng Pilipinas na naglalayong pukawin at pakilusin ang malawak na masa ng sambayanan, pangunahin ang inaapi't pinagsasamantalahang manggagawa't magsasaka, laban sa imperyalismong U.S.., pyudalismo at burukratang kapitalismo na ngayo'y naghahari sa kasalukuyang malakolonyal at malapyudal na lipunan.

Ang librong ito ay maaaring magsilbi bilang pasimulaan ng bawat makabayang Pilipino sa pagsasagawa ng ibayong makauring pagsusuri at   panlipunang pagsisiyasat na pagbabatayan ng kongkreto at masigasig na rebolusyonaryong pagkilos.

2. Balangkas

UNANG KABANATA:   PAGREREPASO NG KASAYSAYAN NG PILIPINAS

I.      ANG PILIPINAS AT ANG SAMBAYANAN

II.     ANG MAMAMAYAN NANG DUMATING ANG  KOLONYALISTANG ESPANYOL

III.    ANG KOLONYALISMO AT PYUDALISMONG ESPANYOL

IV.    ANG REBOLUSYONG PILIPINO NG 1896

V.     ANG DIGMAANG PILIPINO-AMERIKANO

VI.    ANG KOLONYAL NA PAGHAHARI NG IMPERYALISMONG US

VII.   ANG PAKIKIBAKA NG SAMBAYANAN SA IMPERYALISMONG HAPONES

VIII . ANG KASALUKUYANG PAPET NA REPUBLIKA NG PILIPINAS

1. Ang Papet na Rehimeng Roxas, 1946-48
2. Ang Papet na Rehimeng Quirino, 1948-53
3. Ang Papet na Rehimeng Magsaysay, 1954-57
4. Ang Papet na Rehimeng Garcia, 1951-61
5. Ang Papet na Rehimeng Macapagal, 1962-65
6. Ang Papet na Rehimeng Marcos, 1966 -

IX.    ANG MULING PAGTATATAG NG PARTIDO KOMUNISTA  NG PILIPINAS

IKALAWANG KABANATA: MGA PUNDAMENTAL NA PROBLEMA NG SAMBAYANANG PILIPINO

I.     LIPUNANG MALAKOLONYAL AT MALAPYUDAL

II.    IMPERYALISMONG US

III.   PYUDALISMO.

IV.   BURUKRATANG KAPITALISMO

IKATLONG KABANATA: ANG DEMOKRATIKONG REBOLUSYON NG BAYAN

I.    ANG SALIGANG KATANGIAN NG REBOLUSYONG PILIPINO

II.   MGA URI SA LIPUNANG PILIPINO

III.  ANG MAKAURING BATAYAN NG ESTRATEHIYA AT MGA TAKTIKA

IV.  ANG MGA SALIGANG TUNGKULIN NG DEMOKRATIKONG REBOLUSYON NG BAYAN

V.   ANG PERSPEKTIBA NG REBOLUSYONG PILIPINO

Pamamaraan:

- gamit  ang tsart ilahad ang mga layunin, makasaysayang konteksto, balangkas ng pag-aaral .
* maaaring gamitin ang mga sipi  na nasa pagbubukas  ng  bawat tsapter ng aklat bilang gabay sa paghugot ng esensya ng mga paksang tinatalakay.

Nota: tiyaking merong mapa o globo, mga tulong biswal na magagamit sa talakayan.

UNANG KABANATA: PAGREREPASO NG KASAYSAYAN NG PILIPINAS

"Ang pangunahing dahilan ng pagbabago sa lipunan ay ang  pag-unlad ng panloob na mga kontradiksyon ng pwersa sa produksyon at ng relasyon sa produksyon, ang kontradiksyon ng  mga uri, at ang kontradiksyon ng luma at ng bago. Ang pag-unlad ng mga kontradiksyong ito ang nagpapasulong sa lipunan at nagbibigay ng lakas para mapalitan ng bago ang lumang lipunan".

- Mao Zedong

(Maaaring gamitin ng instructor ang KnP- timeline at BKP biswal: KNP1-6 sa pagtalakay.)

Pamamaraan:

- gamit  ang tsart ilahad ang mga layunin, makasaysayang konteksto, balangkas ng pag-aaral .
* maaaring gamitin ang mga sipi  na nasa pagbubukas  ng  bawat tsapter ng aklat bilang gabay sa paghugot ng esensya ng mga paksang tinatalakay. 
Nota: tiyaking merong mapa o globo, mga tulong biswal na magagamit sa talakayan.